“अक्षर”

178

दुर्गा पौड्याल
तिनपा ३ शंकरनगर

कागजसँग सम्बन्ध छ,
महुँ पढ्ने अक्षर
बाह्रखरी सिकाएर,
पार्छु सब्लाई साक्षर।

मनकाे कुरा ब्यक्तगर्ने,
मै हुँ माध्यम अक्षर
दुःख सुख बेदना पाेख्ने,
मै हुँ माध्यम अक्षर।

प्रकृति र सुन्दरताकाे,
बयान गर्ने अक्षर
नदी ताल हिमालकाे,
गुणगान गाउने अक्षर।

पहाड पाखा हरियालीका
गीत बन्ने अक्षर
लय ताल सुर मिलाई,
गाउने पनि अक्षर।

नियम कानुन संबिधान ,
लेख्ने पनि अक्षर
शासनका ताैर तरिका,
लेख्ने पनि अक्षर।

विकाशका याेजना नि
बन्ने यिनै अक्षर
म नै प्रयाेग हुनुपर्छ ,
सब्लाई बनाई साक्षर।

बिज्ञानका प्रयाेग बिधी ,
लेख्ने पनि अक्षर
प्रयाेग गरी लागु हुने,
पुस्ताैं पुस्ता अक्षर।

डक्टर,वकिल,कवि लेखक,
पढी बन्ने अक्षर
गाडी, रकेट उठाउन
पढ्नै पर्ने अक्षर।

अक्षर नभए कस्ताे हुन्थ्याे,
याे संसार हेर
ठूलाे शक्ति अक्षरमै छ
नफाल्नु समय खेर।