अम्बिका धिताल
हेर हेर साथी हो
नयाँ वर्ष आएको
फूलहरू फुलेर
खुसियाली छाएको।
नयाँ कक्षा नयाँ किताब
नयाँ चित्र साथी छन्
घटाउ र जोडको हिसाब
औँलाभन्दा माथि छन्।
राम्रो पढी मिठो बोले
पाइन्छ सधैँ स्याबास!
आहा! कति राम्रो भने
थपिन्छ धेरै उत्साह।
पढ्नलाई कम्मर कसी
म त अघि सर्ने हो
सधैँ सधैँ ए प्लस ल्याई
देशको सेवा गर्ने हो।
फूलजस्तै बनी म त
छर्छु भोलि सुवास
अठोट गरेँ मैले अब
जीवन पार्छु मिठास।
