भगवती प्रसाद शर्मा
वसन्तजागृति
सिधा भएर जनता पस्यो भित्र काल
युवा सशक्त अब हौँ ठुलो दुष्ट फाल
सबै विदेश नगई यहीँ बस्नु पर्छ
युवा जुटेर नबसे घरै छाड्नु पर्छ।।१
कुरेर बस्छ अधुना युवा खोज्नलाई
तसर्थ आउनु युवा नयाँ काम लाई
युवा मिले कहर भाग्छ नेपालबाट
पुवा भई पर गए हरायो प्रभात।।२
समाल आँगन गरो सबै खेतबारी
छ देश स्वर्ग-नगरी नबस्दा भिखारी
नताक स्वर्ग परको छ नेपाल प्यारो
हिसाब राख घरको हुनेछैन गाह्रो।।३
निसाफ न्याय अबको तिमीबाट माग्यो
विचार राख असली कुरा सत्य लाग्यो
चलाख गर्नु अहिले युवाशक्ति हाम्रो
बुझाइ भिन्न नबनोस् उठोस् देश राम्रो।।४
विकास नाश नहुने गरौँ देशलाई
विशाल बक्ष नगरी कहाँ हुन्छ भाइ
इमान भित्र मनमा हुँदा देश बन्छ
इमान छैन दिलमा जहीँ देश डुब्छ।।५
