सरिता पराजुली
चन्द्रागिरि -१५ ,काठमाडाैं
याैटै छहारीमुनि देशलाई
राख्याै मिलाई सब दाजुभाइ
हाै राष्ट्रका नायक दिव्य द्रष्टा
निर्माणका साधक वीर स्रष्टा।
भाषा कला संस्कृति भेष हाम्राे
हुन् गर्व गर्ने पहिचान राम्राे
गाँस्याै नि मालासरि देशलाई
याे देशकाे गाैरव सान राखी।
पाखा पखेरा अझ रङ्ग छर्दै
नाच्दै छ डाँफे अझ दङ्ग पर्दै
टल्क्याे हिमालै हिमका कणैमा
छाँया उसैकाे घर आँगनैमा।
टेकेर चन्द्रागिरि पर्वतै त्याे
देख्याै नि स्वप्ना नव सिर्जनाकाे
पारेर ढिक्का सरि देशलाई
आफैँ चिनायाै अझ विश्वलाई।
मेची र काली भनि गड्गडायाै
नेपाल धर्ती बिच मुस्कुरायाै
पृथ्वी तिमी जून बनेर सारा
घेरी बसेझै अझ लाग्छ तारा।
