हरि कोर्काली
किसान हामी सबैका ओठमा
मुस्कान खुलाउँछाैँ,
भाेककाे ज्वाला निभाउने अन्न
हामी नै फलाउँछाैँ।
खेत र बारी , पाखा र पर्वत
पसिना बगाउँछाैँ,
राष्ट्रलाई पाल्ने अन्नकाे भण्डार
गाउँघरलाई बनाउँछाैँ।
जाेतेर हलाे, खनी र खाेस्री
बाली है लगाउँछाैँ,
अनिकाल जस्ताे मानिसकाे शत्रु
सात डाँडा कटाउँछाैँ।
झिसमिसमै हाम्राे दिन हुन्छ शुरू
साँझमा टुङ्गिन्छ,
टुसुक्क पनि भ्याइन्न बस्न
बसेर काँ हुन्छ ?
त्यस अगिपछि ढिकी र जाँताे
नगरी धर छैन,
किसानकाेभन्दा देशलाई बढी
अरूकाे भर छैन।
किसान हामी ……
