पुण्य गिमिरे
बैत्यश्वर-६, दाेलखा
आइतदेखि शुक्रसम्म, सधैँ छ हतार,
अनेक उर्दी लाउँछ, स्कुल बार बार ।
झाेलाभरि पुस्तक भारी, बाेक्छु हरबार,
बल्ल आई फुत्तै जान्छ, मेराे शनिबार ।
जुता माेजा लुगा जाँच, गुरु हल्दार,
पढ पढ लेख लेख, अर्ति बार बार।
बिच जँघार रून्छ मन, छैन वारपार,
खेल्दाखेल्दै फुत्तै जाने,प्याराे शनिवार।
कक्षाकार्य गृहकार्य, कामै काम भार,
खेल छैन साथी छैन, गाली लगातार ।
कख गघ एवि सिडी, एकदुई तीनचार,
दुई पल्ट आइदेउ ल,छाेटाे शनिबार ।
