“दसैँ बिदा”

123

गंगा खड्का
बूढानीलकण्ठ , काठमाडौँ

बल्लतल्ल स्कुलले दियो दसैँ बिदा
नअल्मलिई बाटामा घर आएँ सिधा।

किताबकापी झिकेर गृहकार्य थालेँ
सकिकन ढुक्क भई झोलाभित्र हालेँ ।

दसवर्षमा ठूली दिदी विदेशबाट आउने रे
मीठामीठा चकलेट अनि राम्रा लुगा ल्याउने रे।

यसपटक नि पोहोरजस्तै गाउँको घर जानु छ
हजुरआमाले पकाएका मासुभात खानु छ।

पिप्लेडाँडा पुगेर पिङ खेल्दा सररर
सयपत्रीको बास्ना आहा चल्छ हररर।

साथीभाइ रमाउनेछन् भेटघाट हुँदा हर्षले
समृद्धिको दसैँ ल्याओस् फेरि यो वर्षले ।