दसैँ

116

सरिता पराजुली
चन्द्रागिरि १५ काठमाडाैं

उठ भाइ उठ बैनी जाऔँ चाैतारी
चाैतारीमा लिङ्गे पिङ खेले दाैंतरी
डाँडापाखा चाैतारीमा हुन्छ घमाइलाे
साथीभाइ भेट्न पाउँदा हुन्छ रमाइलाे।

बारीका ती डीलभरि फूलफुलेका
खेतका ती गराभरि धान झुलेका
धुलाेमैलाे छैन कतै सफासुग्घर
चाडपर्व रमाइलाे आफ्नै गाउँघर।

ठुला दाइ ठुली भाउजू घर आउनु भाे
मिठा मिठा खानेकुरा पनि ल्याउनु भाे
लिपपाेत गरिकन घर चिटिक्क
भन्नुहुन्छ आमा फुर्सद छैन फिटिक्क।

जमरा र राताे टीका लगाउँदा हामी
आफूलाई ठान्ने गर्छाैँ निकै भाग्यमानी
रमाइलाे गर्दै हामी मामाघर पुग्छाैँ
आशीर्वाद थापिकन दक्षिणा नि लिन्छाैँ।