प्रेम पुन मगर
“…हुर्रे! ..ल्याइन् ल्याइन्।”
रामबहादुर खुशी भएको देखेर राममायाले सोधिन् ।
“..कसले के ल्याइन् ?..”
“हेर न नातिनीले सबै बिषयमा ए पलस ल्याइन्। रिपोर्ट कार्डको फाइल देखाउँदै ” रामबहादुरले भने।
उनले फेरी बिमति जनाइन् । ” ल्याउछ ए पलस नहुने कुरा तीनवर्षे नानीले पनि?”
” नपत्याए यो रिपोर्ट हेर न।” रिपोर्ट देखाउदै उनले भने, “यसमा टिचरहरुले त्यतिकै लेखिदिएको पनि हुनसक्छ नि।”
” होइन ! अक्षर चिनेपछि त्यसको आधारमा नम्बर आएको हो। गुरु, गुरुमाहरुलाई गलत आरोप लगाउन नखोज।”
उनले थपे।
” उहाँहरुलाई रुञ्चे, रोगी ,झगडालु , चकचके, साना, बच्चाहरुलाई सम्हाल्न र सिकाउन कम्ता गाह्राे काम हो।”
राममायाको पालो बोलिन्। ” सित्तैमा गरेका हुन् र पा-पाँच हजार पैसा पनि त लिइरहेका छन् नि…।”
उनको कुरा सुनेपछि मुखाले रामबहादुर झट्टै बोले। ”
“त्यसोभए पाठशालामा नपठाइ त्यही पाँच हजारलाई नानीलाई पढा भन न।”
