“नेपाल”

99

नरिश्वर गौतम

नेपाल सुन्दर शान्तिको देश
हिमाल पहाड तराई मधेश
फरक संस्कृति भाषा र वेश
अनेकतामा एकता विशेष ।।

जाति र धर्म पहिरन परिकार
सम्मान महत्व सबका बराबर
कला र सीप संस्कार असल
छन् प्रकृतिका भण्डार विशाल।।

हजारौँ नदी र खोला पवित्र
हिमाल ताल छहरा विचित्र
अमूल्य बुटी जीव अनेक थरि
नेपाल हाम्रो छ स्वर्गसरि ।।

जनक सीता र बुद्धको देश
फैलाउँ ज्ञान र शान्ति सन्देश
पूर्खाको वीरता गौरव सान
नेपाल हाम्रो राष्ट्र महान ।।