रामप्रसाद पन्थी
रेसुङ्गा न पा २ गुल्मी
परीक्षा आयाे भन्दछन् सबै मनमा डर छ
किताब हेर्न लाग्दैन मन पासकाे कर छ।
जि पि ए कति ल्याउने भनी साेध्दछन् सबैले
सकेकाे जति भनेर टार्छु बाेल्दछु करैले।
किताब हेर्छ पुलुक्क यता हेर न भनेर
जाने कि घुम्न साथीले भन्छ आएर म नेर।
कक्षामा पनि गएन ध्यान गुरूका कुरामा
परीक्षा दिउँ छाेडूँ कि भएँ परेँ नि छुरामा।
किताब हेरे लाग्दछ निद भुसुक्क किन हाे
माेबाइल् हेरे छाेटाे नै लाग्छ दिन र रात याे।
कहिले लाग्छ पढेर के नै हुन्छ र आखिर
विदेश गई जीवन पाल्ने गर्नु छ जागिर।
लाग्दछ कैले पढेर ठूलाे विद्वान बन्नु छ
संसार भर फैलाई नाम नेपाली भन्नू छ।
सम्पत्ति ठूलाे अमूल्य धन विद्या नै बुझेर
कम्मर कसी पढ्दछु अब किताब पुजेर।
ज्ञानकाे साथ विज्ञान जाेडी विकास गर्नु छ
सिकेकाे सीप ज्ञानकाे दीप उज्यालो छर्नु छ।
