बराबर

प्रतिज्ञा प्रतिज्ञा
मेहेलकुना सुर्खेत

“तिमी कहाँ गएकी थियौ ? उनले प्रश्न गरे।
“म रिताकोमा गएकी थिएँ।” मन्जरीले जवाफ दिइन।
“घरमा भनेर जानू पर्दैन ?” श्रीमतीसँग झर्केर बोले।
“टाढा गएको भए पो भन्नू त्यहीँ जान पनि अनुमति लिनुपर्छ र?” मन्जरीले भनिन्।
महिला हिंसाको बारेमा बोल्न जान तयार गरिरहेकी सासुले उनीहरूको भनाभन सुनेपछि भनिन्,
“बुहारी ऊ तिम्रो श्रीमान हो भनेर जाँदैमा मरिहाल्ने थिएनौं क्यारे ! “सासुको यस्तो शब्दले मन दुखाउदै भनिन्।
“उहाँ जहाँ गएर आए पनि मैले केही प्रश्न गर्दिनँ!”
“केटा मान्छे अलिअलि डुलि हाल्छन्।” छोराको पक्ष लिइन्।
यो सुनेपछि मन्जरीले भनिन्। “आमा तपाईँले नै भन्नुभएको होइन महिला र पुरुष बराबर हुन् भनेर।”