नरिश्वर गौतम
ए नेताजी एकैछिन हाम्रो कुरा सुन
तिम्रो स्वार्थ पूरा गर्न हामी पीडित किन?
चुनाव जित्ने मन्त्री हुने मस्ती गर्ने तिमी
पढ्न लेख्न स्कुल जान नपाउने चाहिँ हामी?
अलिकति बालअधिकारको गर्नुपर्छ होस्
तपाई नेता मिल्नु हुन्न हामीलाई केको दोष?
कहिले आए काँग्रेस पन्च कहिले आए बाम
जो आए नि देशको लागि भएन राम्रो काम ।
कति पड्के बन्दुक बम कति गए जेल
अति भयो फोहोरी राजनीतिको खेल ।।
जहिले सोझा जनतामाथि भयो अत्याचार
अति भयो व्यथिती नि बढ्यो भ्रष्टाचार ।।
हत्या हिंसा महँगी बढ्दो बलात्कार
नेतालाई मोज निमुखालाई सधैं हाहाकार।
बिग्रदैछ देशको हालत आज हिजो भन्दा
नबनाइदेऊ शिक्षालाई व्यापार अनि धन्दा ।
