राधा आचार्य
हाम्रा आमाबुबाको हाँसो कति राम्रो
हाँसी हाँसी अह्राएको मान्ने बानी हाम्रो ।
आमाबाले किनेको झोला कति राम्रो
भन्नुहुन्छ ठाउँमै राख मान्ने बानी हाम्रो ।
आमाबाले किनेको किताब कति राम्रो
भन्नुहुन्छ मिलाई राख मान्ने बानी हाम्रो ।
आमाबाले किनेको जुत्ता कति राम्रो
भन्नुहुन्छ र्याकमा राख मान्ने बानी हाम्रो ।
आमाबाले भनेको कुरा कति राम्रो
भन्नुहुन्छ लुगा फेर मान्ने बानी हाम्रो ।
आमाबाले बोलेको बोली कति राम्रो
भन्नुहुन्छ हातगोडा धोऊ मान्ने बानी हाम्रो।
आमाबाले दिएको खाजा कति राम्रो
भन्नुहुन्छ ठिक्क खाऊ मान्ने बानी हाम्रो ।
आमाबाले रोजेको समय कति राम्रो
भन्नुहुन्छ पढ लेख मान्ने बानी हाम्रो ।
