पुण्यप्रसाद घिमिरे
बैत्यश्वर-६, दाेलखा
हस्तमुद्रा बनाउँदै, दीप बालिदिन्छु,
चित्रकाेरी रङ पाेत्दै, सिप हालिदिन्छु।
चित्र भित्रै लटरम्मै, फल फलिदिन्छु,
लहलह हावासँगै, म त चलिदिन्छु।
मादलुकाे तालसँगै, मत नाचिदिन्छु,
दायाँबायाँ अघिपछी,हर भाँचिदिन्छु।
बाजा भेटे बजाउँछु, फूल सजाउँछु,
आफ्नै काम हेर्दा हेर्दै, म त लजाउँछु।
कागजलाई पट्याएर, राम्रा ओरिगामी,
बुट्टा काट्दै तुल ताेरण, गुच्छा किरिगामी।
खाेया जाेड्दै भ्यूटावर, माटाेबाट फल,
खालिबस्न मन मान्दैन , चल्छु पल पल।
कागज पात दाेब्र्याएर, धुम्छ फिरफिरे,
के क् बन्छ के के भन्छ, चित्र किरमिरे।
उँडिदिन्छु गुडिदिन्छु, काेलाजमा टाँस्छु,
यसै गरि दिन भरि, सिर्जनामा हाँस्छु।
