“मेरी प्यारी साथी”

120

नमुना लामा
कक्षा :१०
बाल विकास बोर्डिङ हाइ स्कुल
बूढानीलकण्ठ , काठमाडौँ

हिँड्दै थिएँ लामो यात्रा साथमा तिमी आयौ
यो हृदयको केन्द्रमा ठाउँ तिमीले पायौ
कति पल कठिन थिए तिमीले सहज पारिदियौ
हाँस्दा सँगै हाँस्थ्यौ पनि रुँदा आँसु झारिदियौ।

असल बाटो हिँड्नलाई सदा प्रेरित गर्‍यौ
जिन्दगीको गोरेटोलाई रमणीय पार्‍यौ
बिराउँछु कि बाटो भनी चलाख बनिकन
राम्रो मान्छे बन्नुपर्छ सधैँ भनिकन।

पढ्नलेख्न छलफल गरी भएको छ जाती
जिन्दगीको गोरेटोमा तिमी प्यारी साथी
हरेक पल तिमी भए लाग्छ मलाई राम्रो
मित्रताको डोरी अझै मजबुत बनोस् हाम्रो।

अघि बढ्दै जाँदा खेरि बाटो फरक भए पनि
सम्झिरहनु सधैँ मलाई पहिलाको झैँ बनी
तिम्रो लक्ष्य फलोस् फुलोस् ओठमा मीठो हाँसो
संगालेर हृदयमा राख्न सकूँ ठानी नासो।