सचिन श्रेष्ठ
बाल विकास बोर्डिङ हाइ स्कुल
कक्षा :८
बूढानीलकण्ठ ,काठमाडौँ
मेरो देशको माटो सबैभन्दा प्यारो
छोडी जान कहीँकतै लाग्छ मलाई साह्रो।
हिमाल हेरे हिमाल राम्रो तराई हेरे तराई
जहाँ बसे पनि छैन कोही पनि पराइ।
हेरिरहूँ जस्तो लाग्छ पहाड र फाँट
ठूल्ठूला चुचुरामा चढ्न आउँछ आँट।
नदीनाला सललल बग्छन् बगरमा
कसैलाई बाँच्नुपर्दैन यहाँ कहरमा।
मेरो देश अमूल्य छ हामी सबैको लागि
जुर्मुराएर लाग्छौँ हामी जोसका साथ जागी।
