अमिन तामाङ
कक्षा: ७
बाल विकास बोर्डिङ हाइ स्कुल
बूढानीलकण्ठ ,काठमाडौँ
रहेको छ मेरो स्कुल बूढानीलकण्ठको पाउमा
भगवानको आशीर्वाद पाइरहने ठाउँमा।
माथि हेरे शिवपुरी हाँसेको छ मुसुक्क
त्यही छेउमा मेरो स्कुल बसेको छ टुसुक्क।
विद्यार्थी मैत्री वातावरण पाउँछौँ रमाएर
जीवन अघि बढाउनु छ कलम समाएर।
गुरुबा र गुरुमाले माया गर्दै पढाउनुहुन्छ
समाएर हातहरु अघि बढाउनुहुन्छ ।
ज्ञानगुनका कुरा अनि रचनात्मक सीप
सिकेर यहीँ पछि बन्छु म त राष्ट्रदीप।
