“यस नव्य वर्ष मा…  शुभकामना”

133

कृष्णशरण उपाध्याय पौडेल
छन्द : उपजाति

नाचौँ र गाऔँ यस नव्य वर्ष मा
खुशी मनाऔँ यस नव्य वर्ष मा

बनी कलाकार गरी परिश्रम
धर्ती सिँगारौँ यस नव्य वर्ष मा

नौला कुरा को अब थालनी गरौँ
गरौं अनौठो यस नव्य वर्ष मा

कुना – कुना मा नव – चेतना छरौँ
हाँसौँ हँसाऔँ यस नव्य वर्ष मा

कसै नमारौँ कमिला किरा पनि
बाँचौँ बचाऔँ यस नव्य वर्ष मा

स्वदेश मा शान्ति समृद्धि ल्याउन
ऊर्जा जगाऔँ यस नव्य वर्ष मा