“रमाइला खेल”

100

उद्धव प्याकुरेल उद्भाव

आउ साथी गीत गाउँदै दौडी खेलौँ न
भकुन्डोलाई गुडाउँदै पास गरौँ न
साना साना ढुङ्गा खोजी गट्टा खेलौँ न
हा हा हु हु रमाउँदै ठठ्ठा खेलौँ न ।

रमाइलो कति कति लुकामारी खेल
चुङ्गी खेल्दा कत्ति पनि नगरौँ है झेल
सिन्का लुकाइ खेलौँ अनि माटो थुपारी
विहे खेल झन रमाइलो खेलौँ सुपारी

बागचाल खेल खेल्दा बाघ थुनियो
बाख्रा हाँसे बाघचाहिँ रोको सुनियो
डाँडाभित्र लुकी घाम कता गएछ
भाँडाकुटी खेल्दा खेल्दै साँझ भएछ ।