बिष्णु उप्रेती
बिर्तामोड झापा
“ल सुन् ,मनुवा , तेराे हिसाबकिताब दुरुस्त रुजु गर्दा पाप र पुण्य बराबर देखियाे। तेसैले, तैंले आधा समय नर्कमा र आधा समय स्वर्गमा बिताउनु पर्ने भयाे। ल भन्, पहिला कता जान्छन् ?” धर्मराजले बहिखाता बन्द गर्दै , अगाडि उभिएको मानवलाई साेधे।
” हे माहाराज, हे प्रभु — जता -सररर वाईफाई चल्छ। जता ईन्टरनेटमा कुनै अबरोध हुँदैन , तेतै पठाई दिनुहाेस हजुर । यतिबेला धरतीमा भ्यालेन्टाईन डे,, अर्थात प्रणय दिवस चलिरहेकाे छ हजुर। तेसमा मलाई आपत्ति छैन ,खुसिनै हुने छु।”
” के अरे? के भन्छ याे ।” किन नेट ? आश्चर्यचकित हुँदै धर्मराजले मनुवालाई पुनः प्रश्न गरे ।
हे धर्मराज , याे माेवाईलकाे लत कस्ताे हुन्छ भन्ने कुरा, सधैंभरि दुनियाकाे पाप पुण्य मात्र खाेजिरहने, हजुरलाई के थाहा। एक चाेटी मर्त्यलाेकमा आफैँ गएर ,दुई बर्षकाे बच्चा देखि अस्सी बर्षकाे बृद्ध सम्मकाे निरिक्षण गरिबक्स्येास, अनि थाहा हुन्छ।”
