रोजिना घिमिरे
प्रिय विद्यार्थीहरू, धेरै धेरै प्यार, शुभ आशीर्वाद।
आज म तिमीहरूलाई एउटा सन्देश लेख्दैछु, जुन मेरा अनुभव, स्नेह, र मायाले भरिएको छ। तिमीहरूको भविष्यलाई उज्यालो बनाउनका लागि, तिमीहरूको लक्ष्यमा पुग्न, र समयको महत्व बुझ्न मैले यो लेख्न आवश्यक ठानेको छु। यो जीवनको यात्रामा थोरै समयको उपेक्षा, केही अनावश्यक कुराहरूमा ध्यान दिनाले पछि गएर ठूला अवसरहरू गुम्न सक्छन्, जसको महसुस तिमीहरूले मात्र गर्नुपर्छ।
आजकलको समयमा टिक्टक जस्ता सामाजिक सञ्जालहरू मनोरञ्जनको प्रमुख माध्यम बनिरहेका छन्। यो सन्देश लेख्नुको कारण यति मात्र हो कि तिमीहरूले यी कुराहरूमा समय खर्च गरिरहँदा आफ्नो मूल्यवान समयको उपयोग उचित र सन्तुलित तरिकाले गर्न जान्न आवश्यक छ। म भन्छु, टिक्टक चलाउनुमा कुनै खराबी छैन, तर यो सम्झ, समय भनेको सुन हो। कुनै पनि समय, कुनै पनि महत्त्वपूर्ण पल तिमीले फिर्ता ल्याउन सक्दैनौं। समयको सही उपयोगले मात्र तिमीले जीवनमा उपलब्धि प्राप्त गर्न सक्छौ।
तिमीहरूको बाल्यकाल, किशोरावस्था, अनि युवा उमेर भनेकै भविष्य निर्माणको पाइलाचरण हो। यस पाइलामा जति मेहनत गर्छौ, तिमीहरूले बनाउने भविष्य उत्तिकै उज्यालो हुनेछ। कल्पना गर, यदि तिमी समयको सदुपयोग गर्दै आफ्नो शिक्षा, रुचि, र उद्देश्यमा ध्यान दिन्छौ भने यो समय तिम्रा लागि अमूल्य साबित हुन सक्छ। यो त केवल आजका लागि नभएर भविष्यमा समाज र परिवारको लागिसमेत उपयोगी हुन सक्छ।
प्रिय विद्यार्थीहरू, समयको महत्व बुझेर अघि बढ्दा तिमीहरूमा जुन परिवर्तन आउँछ, त्यसले तिमीहरूको जीवनको बाटो बदल्न सक्छ। हरेक दिन, हरेक क्षण तिमीहरूका लागि सिक्ने र आफ्नो उद्देश्य नजिक पुग्ने अवसर हो। तिमीहरूलाई पढाउँदै र सिकाउँदै गर्दा मैले देखेको छु—तिमीहरूमा अपार सम्भावना छ।
हामीले हाम्रो बाँच्ने उमेर र त्यसको उपयोगलाई गहिरोसँग बुझ्न आवश्यक छ। समयले न त कोहीको लागि पर्खिन्छ न त कोहीको लागि थक्छ। एक पटक गुमेको समय फेरि फर्किदैन। यसैले आजैबाट आफ्नो दिनचर्या, आफ्नो प्राथमिकता र आफ्नो उद्देश्यलाई फेरि एकपटक सोच। के मैले यस दिनलाई आफूलाई सुधार्न, केही नयाँ कुरामा हात हाल्न वा आफ्नो भविष्य निर्माणको दिशामा अघि बढ्न उपयोग गरिरहेको छु त? यो प्रश्न तिमीहरूले हरेक दिन आफूलाई सोध्नु पर्छ।
तिमीहरूको जीवनको यो समय अद्वितीय छ, यो अवसर, उत्साह, र नयाँ सिकाइले भरिएको छ। यो समय कुनै पनि किमती रत्नभन्दा बढी अमूल्य छ। हरेक दिन तिमीहरूलाई नयाँ मौका दिन्छ, केही नयाँ सिक्न, केही नयाँ हासिल गर्न, र आफ्नो लक्ष्य नजिक पुग्नका लागि अझ बढी कसमसाउँछ। तर हरेक चुनौतीमा सफलता लुकेको छ, र हरेक परिश्रमले तिमीहरूको भविष्यलाई अझ उज्जवल बनाउने छ। आजको दिनको महत्व थाहा पाउँदा मात्र भविष्यको साँचो मूल्य बुझ्न सक्छौ। यो समयको सदुपयोग गरेर तिमीहरूले जीवनका सबै स्वप्नहरू पूरा गर्न सक्छौ।
तिमीहरूको मार्ग सरल छैन, तर संघर्ष र परिश्रमले मात्र सफलतामा पुग्न सकिन्छ। हरेक कदम जो तिमीहरू उठाउँछौ, त्यो एउटा नयाँ अनुभव र नयाँ ज्ञानको स्रोत हुनेछ। तिमीहरूको मेहनत र धैर्य नै तिमीहरूको लक्ष्यसम्म पुग्ने चाबी बन्ने छ। यो समयको उपयोग गर, हरेक दिनलाई एक अवसरको रूपमा देख, र जीवनका सबै संघर्षलाई चुनौतीको रूपमा स्वीकार गर्दै अघि बढ। जीवनका प्रत्येक पललाई मूल्यवान बनाउन सकिन्छ, र तिमीहरूले यो समयको सदुपयोग गरेर आफ्नो भविष्यलाई अझ समृद्ध बनाउन सक्छौ।
साँचो संघर्ष र परिश्रमको यात्रा कहिल्यै व्यर्थ जान्दैन। तिमीहरूको दृष्टिकोन र निरन्तरताले नै भविष्यलाई उज्यालो बनाउने छ। हरेक कठिनाइमा एउटा पाठ छ, र हरेक अडचणसँगै तिमीहरू अझ बलियो र सक्षम बन्ने छौ। यो यात्रा कठिन छ, तर त्यो कठिनाइले नै तिमीहरूको शक्ति र आत्मविश्वास बढाउने छ। जब तिमीहरूले आफ्नो सपना पुरा गर्नका लागि सबै संघर्षलाई स्वीकार गर्दै अघि बढ्नेछौ, तब तिमीहरूको यात्रा सफल हुनेछ। याद राख, हरेक दिनको मूल्य छ, र यो समयलाई सम्पूर्ण रूपमा उपयोग गरेर तिमीहरूको लक्ष्यतर्फ एक कदम अघि बढ्न सकिन्छ।
समयको महत्व बुझ्न, त्यसलाई सही ठाउँमा लगानी गर्न र आफ्नो जीवनलाई सार्थक बनाउने सन्देश दिनु नै आजको मेरो प्रमुख उद्देश्य हो। आजका तिमीहरूले भविष्यमा के बन्नेछौ भन्ने आधार तिमीहरूले आज कसरी आफ्नो समय प्रयोग गरिरहेका छौ, त्यसले निर्धारण गर्नेछ। म तिमीहरूसँग धेरै आशा राखेको छु, अनि तिमीहरूको क्षमतामा पूर्ण विश्वास पनि छ।मलाई थाहा छ, समय कहिलेकाहीँ तनावमुक्त हुन, रमाइलो गर्न चाहिन्छ। तर, के हामीलाई रमाइलोका लागि मात्र यो समय दिइएको हो त? हामीसँग हरेक दिन सानो तर महत्वपूर्ण जिम्मेवारी छ—आफ्नो सपना पूरा गर्ने, परिवारलाई गर्व गर्ने, अनि समाजमा सकारात्मक योगदान पुर्याउने। तसर्थ, म तिमीहरूलाई आग्रह गर्दछु कि आफ्नो समयको उपयोग हरेक दिनको प्रगति, अध्ययन र चरित्र निर्माणमा गर।
प्रविधिको प्रयोगले हाम्रो जीवनलाई सजिलो बनाएको छ, तर यसको अत्यधिक प्रयोगले हामीलाई फुस्रादिलो बनाउँदै लगेको छ। सामाजिक सञ्जाल जस्तै टिक्टक र इन्स्टाग्रामहरू रमाइलोको लागि मात्र हुन्। तर सोच, यदि हरेक क्षण हामी यसैमा व्यस्त भइरह्यौँ भने, समय खेर जाँदैन र? तिमीहरूले हरेक दिनलाई अवसरको रूपमा लिदैँ, अध्ययनमा ध्यान दिनुपर्छ। त्यही समयको सदुपयोगले तिमीहरूको भविष्य निर्माणको जग बलियो बनाउँछ।
हाम्रो सफलताको बाटोमा मेहनत, लगनशीलता, र संकल्प मात्र होइन, सहनशीलता पनि चाहिन्छ। जिन्दगीको प्रत्येक चुनौती, बाधा र असफलता हाम्रा शिक्षक हुन्। तिनीसँग डराएर पछि हट्नु भन्दा, जस्तोसुकै कठिनाइ आए पनि धैर्य र साहसका साथ त्यसलाई पार गर्न सिक। तिमीहरूकै अनुहारमा जब सफलताको चमक देख्न पाउँछु, तब मलाई गर्व हुन्छ। म तिमीहरूलाई यही सन्देश दिन चाहन्छु कि जिन्दगीको हरेक पललाई अर्थपूर्ण बनाऊ।
तिमीहरूप्रति मेरो माया र आस्था असीमित छ। तिमीहरूको भविष्यलाई उज्यालो र सफल बनाउनका लागि म तिमीहरूसँग निरन्तरको प्रयास र सच्चा परिश्रमको सन्देश दिन चाहन्छु। हरेक दिनको सुरुवातमा आत्मविश्वासका साथ आफ्नो उद्देश्यलाई सम्झ, अनि आफूलाई यसरी तयार गर कि जीवनका चुनौतीहरूमा कहिल्यै पछि नहट्नुपरोस्।
सामाजिक सञ्जाल र मनोरञ्जनका साधनहरूले हाम्रो समयलाई धेरै सजिलै लुट्न सक्छन्, तर यसबाट क्षणिक आनन्दबाहेक अरू केही प्राप्त हुँदैन। म तिमीहरूलाई यो सम्झाउन चाहन्छु कि जिन्दगीको असली सार्थकता तिमीहरूले आर्जित ज्ञान, अनुशासन, र असल कर्ममा छ। समय भनेको सुन हो—यदि तिमीहरूले यसलाई सही दिशा दिन सक्छौ भने, यसले तिमीहरूलाई सफलता, सन्तोष, र सम्मानको शिखरमा पुर्याउन सक्छ।
समयको सही सदुपयोग गर्दै तिमीहरूले हरेक पललाई जीवनमा केही नयाँ निर्माण गर्ने अवसरका रूपमा लिन सिक। जिन्दगीमा आउने चुनौतीहरूमा नआत्तिऊ। कठिनाइहरूलाई असफलताको कारण नबनाऊ, बरु त्यसलाई अवसरमा बदल्न सिक। तिम्रा प्रत्येक कठिनाइमा मैले सधैं साथ दिनेछु। तिमीहरूकै संघर्षले नै तिमीहरूलाई जीवनको सही मार्गमा डोर्याउनेछ।
जीवनको यो यात्रा, जसमा म तिमीहरूसँग साथमा छु, मेरो लागि एक गर्वको कुरा हो। तिमीहरूको उज्ज्वल भविष्यको कल्पना गर्दै, मेरो हृदयमा सधैं तिमीहरूप्रतिको माया, आशिर्वाद र स्नेह भरिएको छ। हरेक दिन तिमीहरूले केहि नयाँ सिक्दै, जीवनलाई गहिरोसँग बुझ्दै, आफ्नो उद्देश्यतर्फ अगाडि बढ्नु नै साँचो सफलता हो।
समयको मूल्य, मिहिनेतको गरिमा, र धैर्यको महत्व बुझ्दै आफ्नो जीवनलाई सार्थक बनाऊ। हरेक चुनौतीलाई अवसरको रूपमा हेरेर आफ्नो आत्मबललाई मजबुत बनाऊ। तिमीहरूका स–साना प्रयासले नै ठूला परिवर्तन ल्याउन सक्छन्।
मैले जुन सन्देश तिमीहरूसम्म पुर्याउन चाहन्थेँ, त्यसको सार यो हो—तिमीहरूको जीवनको प्रत्येक दिनको मूल्य बुझ र समयको महत्त्वलाई मनमा राख्दै अघि बढ। हरेक अवसरलाई र हरेक चुनौतीलाई एउटा नयाँ पिढीको निर्माणको अवसरका रूपमा लिई, निरन्तर लगन र मिहिनेतका साथ तिमीहरूको यात्रा अघि बढाउँदा, केवल सफलता नै तिमीहरूको पर्खाइमा हुनेछ।तिमीहरूले मेरो आशीर्वाद र मार्गदर्शनलाई सधैं आफ्नो साथमा राख्नु। सम्झना राख, साँचो शिक्षा भनेको केवल पुस्तक ज्ञान मात्र होइन, जीवनका अनगिन्ती अनुभवहरूबाट पनि सिक्नुपर्छ। तिमीहरूको सपना पुरा गर्नका लागि केवल हिम्मत र परिश्रमको मात्र होइन, सहनशीलता र सकारात्मक सोचको पनि आवश्यक छ।
यो पत्र यहिँ समाप्त गर्दै, मेरो यही आशा छ कि तिमीहरू आफ्नो जीवनलाई उच्च आदर्श र उद्देश्यका साथ अघि बढाऊ, र मेरो मार्गदर्शन र आशीर्वादले तिमीहरूको जीवनलाई अझ उज्जवल र सार्थक बनाउछ।
तिमीहरूप्रतिको मेरो माया, सल्लाह र आशीर्वादलाई सधैं आफ्नो साथमा राख्नु। जीवनको हरेक चुनौतीमा तिमीहरूले साहसका साथ अघि बढ, मिहिनेत र अनुशासनलाई आफ्नो साथी बनाऊ। समयलाई समझदारीपूर्वक उपयोग गर्दा मात्र तिमीहरूले आफ्नो लक्ष्य र सपना साकार गर्न सक्छौ।
स्मरण रहोस्, तिमीहरूका सफलतामा मेरो सन्तोष र गर्व छ, र तिमीहरूकै प्रगति मेरो जीवनको सार्थकता हो। तिमीहरूको यात्रा उज्ज्वल होस्, सुख, शान्ति र सफलता सधैं तिमीहरूको साथमा रहोस् भन्ने मेरो कामना छ।
सधैं तिमीहरूको साथमा रहने र तिमीहरूको सफलता र खुशीको लागि प्रार्थना गर्ने,
तिम्रो गुरु।
