“साउन”

200

फेसबुक कवि
बैत्यश्वर-६, दाेलखा

साउनकाे महिना, घाम देख्नुछैन,
गजधुम्म आकाश, बादलकाे चैन।
सिमसिम ताप्प तुप्प, दर्के दररर,
ओच्छ्यानमा पानीपानी, हुस्सु हररर।

पिंडालुका पातले, छाता बनाउँछु,
सपनीमा स्कुल, भेडा चराउँछु।
नआइज न दर्के, मन मेराे रून्छ,
धुरूधुरू राेएकाे, कालु पप्पी सुन्छ।

साथी काेही छैन, खेल्न पाइएन,
ताराबाजी लै लै, गीत गाइएन।
अक्षर काला काला, चाैरीजस्तै लाग्छ,
सधैं भेडीगाेठ खर्क, कुहिराेले ढाक्छ।

बाबा कता कता, आमा कताकता,
टाेलाएर बस्छु, रूख मुनि म ता।
जिङ्रिङ्ग छ केश, गनाउने भेष,
कता सरकार, कता मेराे देश ।