कृष्ण बोहरा
त्रिपुरासुन्दरी ६
सिन्धुपाल्चोक
आज सम्म नहेरिएको आचम्मको मेला हेर्न राम,श्याम, हरि कस्सिएर भृकुटी मण्डपतिर गए। सीप मेलामा देशका गन्य मान्य नेताहरुको अनुहार पनि हेर्न पाईने उनीहरुको आशा थियो। हरिले त फ्याट्ट भनिहाल्यो, ” खै त यहाँ त चर्चित नेता त एउटा पनि देखिदैन त ? ” श्यामले उत्तर दियो, ” यहाँ नेताले सीप सिकाउने हैन मूर्ख, सीप सिकाउने त दक्ष मानिसहरु छ्न। ”
घरको वायरिङ्ग गर्नेदेखि मोबाइल मर्मत गर्ने सम्म, मोटर साईकिल मर्मत गर्नेदेखि मोटर मर्मत गर्नेसम्म, लुगा सिउनेदेखि कुक गर्नेसम्म जीवन उपयोगी सीप युवाहरुले सिकीरहेका थिए। रामले भन्यो, ” सीप सिक्नेको चाप बढेकाले आजवाट थप सीप संख्याको ब्यबस्था हुँदैछ रे ! ”
हरिले असन्तोष ब्यक्त गर्यो, ” बालेनको घैंटामा घाम लागे जस्तै देश चलाउने नेताका घैंटामा घाम लागेको भए नेपालका युवाहरु कति भाग्यमानी हुन्थे होला हगि ? “
