शिव पुन
मिठो खाना ठुलो थाल, न लगाउ भाेग
त्यसैबाट जन्मन्छ रे, अति ठुलाे राेग।
खादा खाना तेल कम, नुन ठिक्क हाल्नु
वासी खाना खान हुन्न, खाल्डो भित्र फाल्नु।
फाल्ने गरि नपकाउ, पार्टी भाेज खाना
बसी- बसी फल्या हैन, त्याे अन्नको दाना।
बहु मुल्य अन्न दाना, फलाउनु पर्छ
अन्न दाना नपाएमा, मान्छे भाेकै मर्छ।
नुन तेल कम खानु, खानु धेरै पानी
भारि बाेक्ने खेत खन्ने, गर्नु पर्छ बानी।
पानी धेरै खाना कम, खानु पर्छ भने
पानी प्यास लाग्दाे रै छ, बारी खेत खने।
नखानु है सुर्ती खैनी, नपिउनु प्याला
नत्र फेरि घर जग्गा, फल्ने खेत जाला।
मुटु फाेक्साे भित्री अङ्ग, बच्ला हाम्राे पेट
भरि सके दिन- दिनै, पुग्ने गरौँ खेत।
साग सब्जी धेरै खाए, आँखा तेज हाेला
नुन तेल कम खाए, न त राेग छाेला।
खानु अघि हातमुख, राम्रोसँग धुनु
नत्र फेरि राेग लाग्छ, पर्छ हामी रुनु।
