सुशिला नेपाल
अकालमा मृत्यू हुन्छ अभिभावकविना म
रहस्य लुप्त हुन्छ , अभिभावकविना म।
न आफन्तले हेर्छन न आमाबाबा साथमा
कस्तो दिनमा जन्मिएछु सतिले सरापेको देशमा।
लाचार र विवश म जन्मिन नपाउँदै मर्छु पेटमा
जन्मेपछि हेलीत भइ अरुको लागी बाँच्न बाध्य म।
खोइ कहाँ छ सुरक्षा अभिभावक विना तडपिए म
आमाले छोडिन बाबाको सुरक्षा नपाएकी टुहूरी म।
अपार छ नी समाजको सोचाइमा चल्नु पर्ने
आफुले पीडा लुकाइ -लुकाइ जीवन जिउनु पर्ने।
कस्तो पापी समाज बाबाआमा बिहिन भइ बाँच्नु पर्ने
हुँदाहुँदै पनि समाजको लागी छुटिएर बच्चा राख्नु पर्ने ।
बाबाविना आमाविना त्यो बाल्यकाल नर्क जस्तै छ
बाबाको मू्त्यूपछि आमाको काख बाध्यता यस्तै छ ।
अभिभावकको डिभोर्स पछि बाल्यकाल नर्क जस्तै छ
सानो सन्सार मलाई आखाँ लगाउने नजरहरु यस्तै छ ।
धारामा कोरियोस न बालवालिका आमाबाबा सँगै हुनुपर्छ
सम्वन्ध जस्तो होस् अभिभावकको तर बच्चा सँगै हुनुपर्छ ।
बालवालिकालाई माया संरक्षण त अभिभावकबाटै मिल्नुपर्छ
उनीहरुको हकअधिकारलाई अभिभावकले जिम्मा लिनुपर्छ ।
