शिव पुन
खजुरा – ३ बाँके
मखमली सयपत्री , लालुपाते फूल्छ
फूलरस जहाँछन , मौरी त्यही भुल्छ।
वर्षदिन एकचाेटी , आयाे भाइ टीका
भाइ चेली नहुनेकाे , हुन्छ फेरि फीका।
कार्तिककाे महिनामा , कुकुर पनि भुक्याे
काेहि भन्छ तिहारमा ,जुवा पनि फुक्याे।
धनी पुजी खाेज्न थाले , तिजाेरीकाे साँचाे
बिचरा निमुखालाई , रकमै काे खाचो।
घर पाेत्नु सफा गर्नु , लक्ष्मी आउँछिन
सबैलाई विश्वास छ , धन दिन्छिन।
औँशी राती लक्ष्मी पुजा , हुन्छ दीपावली
अब भाग्याे अध्याराे , दीपहरु जली।
काग कुकुर गाई तिहार , भाइ तिहार आयाे
राेटी चिल्ला फलफूल , मिठाइ पनि पायाे।
भाइलाई टीकालाई , दिन्छिन दिदिले
नभुली परम्परा हाम्राे , राम्राे विधिले।
मानिसहरु तिहारमा , खेल्न देउसी भैलाे
देउसी भैलो खेल्नलाई , पुगे घर दैलाे।
धेरै हुन्छ मानिसकाे , घर घर भेला
तिहार पछि लाग्ने गर्छ , धेरै ठाउँ मेला।
