घनश्याम रेग्मी
हिउँचुली अग्लिएको प्यारो मेरो देश
ढाँका टोपी चन्द्र सूर्य खुल्ने मेरो भेष।
मेरा अग्ला चुचुरा हुन् मन्दिरका छाना
खोला छाँगा गाउँदैछन् वीरताका गाना
यो देशको स्वाभिमान पौरखको सान
आमा तिमी नेपाल हाम्री सन्तान हौँ मान ।१। हिउँचुली,,,,
कागवेणी मुक्तिनाथ साझा धाम हाम्रा
गण्डकीको शालिग्राम शुद्ध बुद्ध हाम्रा
रारा फेवा वेगनाश तिलिचोको यात्रा
भृकुटी र सीता छोरी ढुकढुकी हाम्रा ।२। हिउँचुली….
कोशी काली वाग्मतीको सेरोफेरो मेरो
महाकाली कर्णालीको तीर्थ छैन फेरो
भावनामा जोडिएर बसौँ झन्डा मुनि
नेपालमै जन्म पाऊँ सयौँ जुनी जुनी ।३। हिउँचुली….
