मोक्ष खतिवडा
‘भाइबहिनी हो , घरमा कस-कसले बुवाआमालाई के के कुरामा सहयोग गर्छौ ? बुवाआमाले भनेको सबैले राम्रोसँग मान्छौ नि। हैन त ।’ इन्द्र सरले कक्षा चारमा पढाउँदै सोध्नुभयो। ‘म त आमालाई सब्जी केलाउन सघाउँछु सर।’ भूमिकाले भनिन् । यसैगरी पालैपालो भने।
छेऊमा बसेको सुधीरलाई देखाउँदै, ‘सर यो त उसको बुवाआमाले काम लगाउँदा मुखमुखै लाग्छ , केही टेर्दैन ! सुधीर घोसे मुन्टो लगाएर बस्यो। ‘आफूले गर्न सक्ने काम सबैले गर्नुपर्छ , आज्ञाकारी बन्नुपर्छ । त्यसो भयो भने हामी असल बन्न सक्छौँ , बुझ्यौ।’ इन्द्र सरले सबै विद्यार्थीलाई अर्थ्याउनु भयो।
सुधीर र उसको एउटै बाटो भएर जाने साथी इन्द्र सरकै घर अगाडिको बाटो घर जाँदै गर्दा ‘मैले पैसा कमाएर ल्याएपछि अब फेरि मलाई नै घरमा चाहिने भएभरका सौदा (सामान ) लिएर आइज नभन्नू बुबा ! यो काम मैले गर्ने होइन। तपाईँहरुको काम चैँ के नि ? ‘ भन्दै ठुलो र चर्को बोली गरेर बुबालाई थर्काएको सुन्दै सुन्दै आ-आफ्नो बाटो लागे।
