फागुको रङ

नन्दलाल आचार्य

“हजुरबा , हामी तराईमा भोलि होली खेल्छौँ ।” अमरले जिज्ञासा व्यक्त गर्यो, “तपाईँहरूले आजै खेलिसक्नुभएछ !”
किन फरक दिनमा ?”
हजुरबाले निधारको अबिर पुछ्दै भन्नुभयो, “होली समयले होइन, संस्कारले बाँधिएको पर्व हो, बाबु !”
अमर झनै अलमलमा पर्यो । हजुरबाले अगाडि थप्नुभयो, “पहाडमा ढोल नबजाई होली सकिन्न, तराईमा फागु अन्त्य नभई रङ अडिन्न ।”
अमरले आफ्नो हातमा लिएको अबिर हेर्यो । “तर पर्व त एउटै हो, फेरि किन फरक ?”
हजुरबाले अमरको निधारमा अबिर दल्दै भने, “साँच्चै एउटै हो, तर संस्कृतिको नदी फरक-फरक घाटमा बग्छ ।”
अमर टोलायो । हजुरबाको आवाज फेरि सुनियो, “रङ फरक देखिए पनि उल्लास उस्तै छ, समय फरक भए पनि सद्भाव उस्तै छ ।”