तुलसी पण्डित
अघि बढ साथीभाइ
स्कुल जाने हो
लेखपढ गरिकन
अघि बढ्ने हो।
गुरु देखे नमस्कार
मान्य जनलाई आदर
आफ्नो भाषा अप्नाउनु छ
न भन है फादर।
आमा बा दिदी दाइ
हाम्रा लवज हुन्
भाइ बहिनी अङ्कल काकी
अझ धेरै छन्।
>फुपु अझ भिनाजु
भन हजुरबा
हजुर आमा श्रद्धेह हुन्
न भन है माँ।
ठूल बा ठूली आमा
जिजु बाजे जामा
माइजू अनि अझ भन
रमाएर मामा।
स्कूलमा गुरुआमा
त्यस्तै संगी साथी
कार्यालय सहायक र
खेल शिक्षक माथि।
गर सधैं आदर सम्मान
मिष्ठ भाषा बोली
भाषा जब भुल्छौ तिमी
बन्नु पर्ला झोली।
शिष्ट भाषा बोल्नु पर्छ
सधै आदर भाव
भुल्नु हुन्न आफ्नो पहिचान
भुले हुन्छ नास।
संस्कृतिको जगेर्नामा
भाषा हुन्छ खास
अर्को भाषा बोल्दा खेरि
यसको हुन्छ ह्रास।
गल्ती गरे कसैले
सम्झाइ हाल है
आफ्नो पन छोडेर
के होला र खै!
श्रोत ः नेपाली बालसाहित्य
