युगल बसेल
सन्धिखर्क- १
मुसो हुँ म मुसो , गर्छु यसो उसो
नबोल्नु है रुखो , नभन्नु है छुचो
दाँत मेरा तीखा, टोक्छु दाना निका
काट्छु किताब कापी, लुगा राडी पाखी
खुर्खुरी दगुर्छु , जे पनि भकुर्छु
खन्छु दुला ठुला , दुलामै लुकुँला
अन्न सक्यो भन्छौ, खेदेर लघार्छौ
पालेर बिरालो मेरै सेखी झार्छौ
नबन निठुरी , सहु चुरीफुरी
मुसेरी नथाप , बिख टाढै राख
बिरालो नपाल , बन रखवाल
यै सानो परान छ,देऊ बाँच्न के जान्छ ?
