मणिराज भट्टराई
गठ्ठाघर,भक्तपुर
साँझ पर्छ जब
भेला हुन्छौँ सब
खाना मीठो खाई
आपसमा रमाई
कथा सुन्न मन्छ
कस्ले राम्रो भन्छ
मुखा मुख गर्दै
हजुर आमालाई
झट्ट अघि सार्दै
चुप चाप लागेर
एक चित्त भएर
सुन्न बस्छौँ सब
रमाईलो हुन्छ अब।
कथा बन्थ्यो कैले
आफ्नै जीवन कथा
आफ्नै दुःख व्यथा
घर धन्दा देखि
स्कूल जाँदा सम्म
संघर्षका दिन देखि
सफल हुँदा सम्म
सुख दुःख सम्झी
अँगालो हाल्ने गम्म।
कैले सुनाउँछिन्
बादल झरी कथा
कैले सुनाउँछिन्
स्वर्ग परी कथा
मेरी प्यारी प्यारी
हजुर आमा सरिको
सक्छ कस्ले सुनाउन
कथा थरी थरीको।
