रमेशचन्द्र घिमिरे
भोर्लेटार, लमजु
जानुस् बाबा स्कुलमा मेरो नम्बर लिन
आज हाम्रो परीक्षाको रिजल्ट हुने दिन
हजुर जानु हुन्न भने आफैँ गई खोज्ने
कस्तो भयो जाँच मेरो फोन गरेर सोध्ने
आँटै छैन नत्र भने जान्थेँ एकै छिन
आज हाम्रो परीक्षाको रिजल्ट हुने दिन
मेरो रिजल्ट सोचेजस्तै राम्रो हुन्थ्यो पैले
वर्षैभरि मिहिनेत’नि गरेकै हुँ मैले
जे भए’नि डर लाग्ने कुन्नि किन–किन
आज हाम्रो परीक्षाको रिजल्ट हुने दिन।
