देवी त्रिपाठी
पोखरा
कोरिबाटी चुलठी म छु कति राम्री
मलाई राम्री बनाइदिने प्यारी आमा हाम्री।
हातमुख धोइदिनुहुन्छ खाना ख्वाउनुहुन्छ
क ख ग घ, A B C D पढाउनुहुन्छ
नुहाइदिने लुगा धुने सफा राख्ने काम
सधैंभरि खुशी मेरी आमा जूनघाम।
कोरिबाटी चुलठी म छु कति राम्री
मलाई राम्री बनाइदिने प्यारी आमा हाम्री।
तयार पारिदिनुहुन्छ स्कुल जानलाई
म नि जान्छु स्कुल भन्दै पछ्याउछ भाइ
संसारमा सभैभन्दा राम्री हाम्री आमा
कतिमाया गर्नुहुन्छ प्यारी हाम्री आमा।
कोरिबाटी चुलठी म छु कति राम्री
मलाई राम्री बनाइदिने प्यारी आमा हाम्री।
झमझम पानी पर्दा ओत पनि दिने
घाम लाग्दा गर्मी छल्न शितल बनिदिने
संसारमा सबैभन्दा न्यानो यहि काख
हाँस्ने रुने खुसाउए प्यारो यहि काख।
कोरिबाटी चुलठी म छु कति राम्री
मलाई राम्री बनाइदिने प्यारी आमा हाम्री।
