काेचिङ

166

बाेधराज प्याकुरेल
खजुरा,बाँके

” त्रैमासिक परीक्षाको रिजल्ट हेर्दा,पढाइ एकदमै खस्किएको देखिन्छ ।” प्रअले स्टाप बैठककाे शुरुमै भने ।
” गणित र विज्ञानमा एकजना पनि पास छैनन् ।” सहायक प्रअले थपे ।
” काेरानाले गर्दा तीनबर्ष पढ्न पाएनन् त्यसको परिणाम अहिले देखिदैछ।” गणित शिक्षकले आफ्नाे बचाउ गरे ।
” विद्यार्थीलाई पढ्ने मनै छैन,हामीले मात्रै जाेड गरेर कसरी हुन्छ ? “विज्ञान शिक्षकले गुनासो गरे ।
” कक्षा दशकाे मात्रै भएपनि अतिरिक्त कक्षा चलाउनु पर्छ कि ?” एसईईलाई मध्य नजर गर्दै प्रअले भने ।
“सकिदैँन सर,दिनभर कक्षामा पढाएर फेरि अतिरिक्त कक्षा लिन। “सबै सरहरुले एउटै आशय व्यक्त गरे ।
” प्रति विद्यार्थी एउटा विषयकाे पाँच हजार उठाएर,सबै विषयकाे एक दुई महिना काेचिङ् चलाउँदा राम्रै हाेला ।” प्रअले याेजना सुनाए ।
“काेचिङ् चलाउन सक्किहालिन्छ नि सर,बिहान बेलुका।” सबै सरहरुले सहमति जनाए ।