“खीर खाने दिन”

178

रामप्रसाद पन्थी
रेसुङ्गा न पा २, गुल्मी

असारकाे पन्ध्र पारी दही च्युरा खायौं
साउनकाे खीर खान मामाघर गयाैं।

साउनकाे पन्ध्र आज मेरा बाबू नानी
भन्नुभयाे माइजूले आज खीर खानी।

आगाे फुक्न थाल्नुभयाे माइजूले उता
म नि बसें भान्सा छेउ फुकालेर जुता।

बाल्टी बाेकी गाेठतिर जानुभयाे मामा
भकारीकाे मार्सी चामल् झिक्नुभयाे आमा।

भकाराेकाे लैनु भैंसी दूध दियाे पाथी
सबै मिली खीर खाँदा हाेला कति जाती।

कुँडे ल्याऊ नानी यता भन्नुभयाे मामा
पकाउछु खीर अब भन्नुभयाे आमा।

काजु छाेडा नरिवल चिनी मिलाएर
राख्नुभयाे घिउ आमा हर्पे खनाएर।

छट् छट् गर्दै पाक्न थाल्याे अँगेनीमा खीर
ध्यान गयाे माइजूकाे अब अचार् तिर।

काँकरीकाे अचार अनि तामा तरकारी
खीर खायौं मामाघर साउन् पन्ध्र पारी।

स्कुलकाे बर्खे विदा गर्नुभयाे के के ?
साउन् पन्ध्र खीर खाने कुरा मैले लेखें।