घनश्याम रेग्मी
खाने के हो माम छैन
सुत्ने बस्ने ठाम छैन
जाडो धेरै लाग्न थाल्यो
न्यानो लाग्ने घाम छैन
सीता खेल्ने देश मेरो
दुख्दा बोल्ने राम छैन
बैरीसँगै लड्न जाऊ
मोर्चा बाँध्ने ड्राम छैन
द्यौता सारा बेचिएछन्
पूजा गर्ने ठाम छैन
खेतीपाती गर्न हुन्थ्यो
पैले जस्तो याम छैन
सेवा आफ्नै देश गर्थ्यौं
आफ्नै देशाँ काम छैन
छैनन् साथीसम्म कोही
पैले जस्तो गाम छैन
भोकै प्यासै बस्नु पर्ने
खाडी जाने दाम छैन।
