“गर्दछु कामना”

196

रामप्रसाद पन्थी
रेसुङ्गा न पा २ गुल्मी

याे भाद्र कृष्ण ओैंशीकाे दिन सुनाैलाे दिन याे
जीवित भए बाबाकाे मुख अवश्य हेर्ने हाे।
देवता जस्तै मान्दछ शास्त्र बाबाकाे रूपमा
बाबाका साथ रहन्छ बाल अनेक सुखमा।


मायाकाे डाेरी कसिलाे पारी बाबाले हुर्कायाै
सबैको भन्दा ज्ञानी छ बाबू भनेर फुर्कायाै।
फाटेकाे दाैरा टालेकाे टाेपी कसेर पटुका
काटेर गाँस राखेनाै भाेकाे बिहान बेलुका।
दैवले हान्याे ठहरै पार्याे निष्ठुरी भएर
बाबाको साथ गुमाई आज बाँच्या छु सहेर।
भक्कानाे छुट्छ मन याे टुट्छ बाबाकाे यादमा
बेहेसी हुन्छु पागल सरी दिन र रातमा।
फाेटाेमा हेरी दिन याे बित्छ रात त्याे बित्दैन
लाग्दछ कैले पहाड खसी किन पाे थिच्दैन ?
श्रद्धाका फूल चढाएँ बाबा हेरेर तस्विर
छत्र र छाया मिलेन लामाे खाेटाे याे तग्दिर।
साकार पार्न सफल बनूँ बाबाकाे सपना
आशिष पाऊँ बाबाकाे सधै गर्दछु कामना।

बाबाकाे मुख हेर्ने दिनका उपलक्ष्यमा ।