युगल बसेल
सन्धिखर्क
घामपानी घामपानी कति रमाइलो !
खुल्यो खुल्यो आँगनीमा खुसीको दैलो।
बुँदै बुँदमा ठोकिएछ घामको किरेनी
त्यहीँ ठोकिँदा जन्म्यो मन रसाउने इद्रेनी।
इन्द्रेनीमा सातै रङ्ग हेर्न पाइयो
बैनी भन्छे मलाई इन्द्रधनु चाहियो।
इन्द्रधनु समाएर खेल्न नमिल्ने
हेर्दा भने आँखालाई आनन्द मिल्ने।
म त भन्छु घामपानी हप्तैपिच्छे होस्
घामपानीमा रमाउने धोको नरहोस्।
घाम पानी घाम पानी साह्रै रमाइलो
धर्तीमा स्वर्गको हो कि सुनौलो पाइलो?
