मणि भट्टराई
प्रकृति र मानव बीचको सुमधुर सम्बन्ध
आउन्न कतै छुवाछुत भेदभावको गन्ध।
तलाउ नदी किनारमा व्रतालु जम्मा भई
उदाउँदो र अस्ताउँदो सूर्यलाई अर्घ दिई।
आपसमा मिलिजुली छठीको गर्छन् उपासना
घरपरिवार समस्त जगतको गर्दै शुभचाहना।
आस्था विश्वासले मनमा ऊर्जा प्रचुर जगाउने
अमूल्य ऊर्जा लिई अघि बढी आनन्दले रमाउने।
अमूल्य निधिहुन् चाडपर्व संस्कार संस्कृतिहरू
जीवन सार्थक बन्दछ यसमा बयान धेर के गरुँ।
