भगवती शर्मा
छुद्र बोली बोल्दछस् छैनन् साथमा
काम छैनन् हिँड्दछस् मध्ये रातमा
हात खाली बस्छ जो साह्रै सन्चले
दुःख पाइस् मङ्गले आफ्नै ढङ्गले।
जित्न आफैँ खोज्दछस् कस्तो आदत
खान राम्रो खोज्दछस् आफैँ नङ्गट
बाबु नानी भन्दछन् कस्तो चञ्चले
दुःख पाइस् मङ्गले आफ्नै ढङ्गले।
ध्यान गर्नू काममा मान्ने होइन
पढ्नु राम्रो सुस्तरी पढ्ने होइन
हुन्छ ढाडे गाउँमा हाम्रो मङ्गले
दुःख पाइस् मङ्गले आफ्नै ढङ्गले।
काम छोडे माम के खाला भाइले
सानु ठूलो बुद्धिले भन्छन् दाइले
दाम भेटे गाउँको साँढे मङ्गले
दुःख पाइस् मङ्गले आफ्नै ढङ्गले।
सोच राम्रो राख्छ जो गर्ला उन्नति
मूर्खलाई के हुने अर्ती ओखती
दिन्छु अर्ती बुद्धि यो जानेस् मङ्गले
दुःख पाइस् मङ्गले आफ्नै ढङ्गले।
