बैकुण्ठ पोखरेल
गोदावरी
”ए बुढी छड् छड् ,एउटा दुइटा भाँडा म पनि धुन्छु।”बिबशले भाँडा मस्काउँदै गरेकी बुढिको हातबाट थाल कचौरा खोसेर धारामा पखाल्यो।
अघिपछि ढलेको लोटा सम्म नउठाउने बुढ़ाको चरतिकला देखेर दंग परी संगीता!
“ए बुढी छड् त छड् तरकारी म चलाउँछु!” दिउसको खाजा बनाउँदै गरेकी बुढिलाई पन्छाएर मज्जाले कराइको वारपार डाडु घुमायो बिबशले।
हैंन के भएछ आज बुढालाई भनेर अचम्ममा परेकी संगीतालाई एक घण्टा पछि बुढाले सामाजिक संजालमा भाँडा धुँदै अनि तरकारी चलाउँदै गरेको फोटो पोस्ट्याएपछि पो था भो – आज त “नारी दिवस” पो रहेछ।
