बाेधराज प्याकुरेल
खजुरा,बाँके
” परीक्षालाई मर्यादित र अनुशासित बनाउनु तपाईं हामी सबैको दायित्व र कर्तव्य हाे ।” एसइइ परीक्षाका केन्द्राध्यक्षहरुकाे लागि राखिएको कार्यक्रममा उनीहरूलाई सम्बाेधन गर्दै जिल्ला शिक्षा विकास तथा समन्वय इकाइका प्रमुखले भने ।
एसइइ परीक्षालाई सभ्य रुपमा सञ्चालन कसरी गर्ने भन्ने बारेमा लामाे छलफलपछि, इकाइका शाखा अधिकृतले लेखेर तयार पारेको ,” जिल्लाभरका सबै केन्द्रहरुमा भयरहित वातावरणमा मर्यादित र अनुशासित ढङ्गले परीक्षा सञ्चालन गर्ने ।” निर्णयमा सबैले हस्ताक्षर गरे ।
” यसपालि भने परीक्षा मर्यादित हुने भयाे ।”
तिर्थराजले सन्ताेषकाे सास फेरे ।
नचाहेर पनि प्रअ भएकोले उनी केन्द्राध्यक्ष बन्नु परेको थियाे । एसइइ परीक्षाको लथालिङ्ग प्रणालीका कारण उनले केन्द्राध्यक्ष बन्न पहिले अस्वीकार गरेका थिए ।
” मेरो छाेराे हजुरकै विद्यालयमा परेको छ सर,मिलेसम्म पछाडिको बेञ्चमा पार्दिनु हाेला । ” बाहिर निक्लदैँ गर्दा इकाइ प्रमुखले तिर्थराजसँग भन्दै थिए ।
