बिरही
१, स्कुलमा पुस्तकअनुसार होइन, पाठ्यक्रम अनुसार पढाउने गरौँ।
२. विद्यार्थीले पढ्ने पुस्तकलाई कक्षाकोठामा लाइब्रेरी बनाई सन्दर्भ सामाग्रीका रुपमा राखौँ।
३. पाठ्य पुस्तक पट्यारलाग्दो हुन्छ । विद्यार्थीलाई एउटै पुस्तक पढ्न मन लाग्दैन । पाठ्यक्रमसंग मिल्ने पर्याप्त पुस्तक तथा अन्य विभिन्न स्रोत सामाग्रीहरु कक्षाकोठा भित्रै व्यवस्था गरौँ।
४. विद्यार्थीले झोला बोक्ने अवस्थाको अन्त्य गरौँ । अति आवश्यक पुस्तक र स्रोत सामाग्री मात्र घर लैजाने वातावरण निर्माण गरौँ।
५. पुस्तकबाट सार्ने, घोक्ने जस्ता गृहकार्य पूर्ण रुपमा निषेध गरौँ । अनुसन्धानात्मक/अन्वेशणात्मक प्रकृतिका विषयवस्तु मात्र गृहकार्यका रुपमा दिने गरौँ।
६. विध्यार्थीसंग पाठ्यपुस्तक होइन, पाठ्यक्रम अन्तर्गत रहेर छलफल, अन्तरक्रिया गरौँ, सोही अनुसार खोज गरौँ ।
७. स्कुलमा धेरै विषय नराखौँ । भाषा, गणित, विज्ञान र सामाजिक अध्ययन मात्र भए पुग्छ।
८. पैतालीस मिनेटको पिरिय़ड (घन्टी) प्रभावकारी सिकाइका लागि अपर्याप्त हुन्छ । दिनमा प्रत्येक विषयलाई कम्तीमा एक वा डेढ घण्टाको दरले तीन विषय मात्र राखौँ।
९. शिक्षकलाई पाठ योजना, शिक्षण सामाग्री निर्माण र निरन्तर मूल्यांकन प्रक्रियाका लागि पर्याप्त समय मिलाऔँ । एउटा शिक्षकलाई दैनिक कम्तीमा दुई घण्टा खाली समय उपलब्ध गराऔँ।
