बिन्दु पौड्याल वस्ती
स्वा स्वा गरी सुसायो
भाइ सुनेर डरायो
बाहिर वर्षा बर्सियो
भित्र भाइ तर्सियो।
आमा बाबा उठेर
दायॅाबायॅा हेरेर
भिज्ने कुरा उठाउॅदै
भित्र ओत लगाउॅदै।
बत्ती पनि गयो
झन गाह्रो भयो
नदी खोला सुसाए
खेत बारी बगाए।
ठूलो बाढी आउने भो
अब कता सर्ने हो ?
केटाकेटी जोगाइला
वस्तुभाउको बिचल्ली।
खतराको सङ्केत
साइरनले दियो त
सामान पोको पार
पल्लो गाउॅमा सार।
बस्नुहुन्न रुंगेर
लान्छ फेरि सोरेर
सचेत सबै बनौँ
बाढीबाट बचौँ।
भन्नुभयो आमाले
खालठ्टा नगर्न
जान्छ फेरि ज्यान
भनेको सबले मान।
