“मेरो देश”

104

राज कुमार राजभण्डारी “खाेटाङ्गे”
मध्यपर ठिमी ५ संगम काेलाेनी भक्तपुर

माेती झैं टलक्क टल्कि रहने
मुसुमुसु हाँसेर अटल भै उभि रहने
अनगिन्ती हिम श्रृङखलाहरू
सगरमाथाको देश मेरो देश।
डाफे र मुनाल नाच्ने कुस्तुरी मृग खेल्ने
काेहेलीकाे कुहुकुहु न्याउलीकाे मिठो भाषा
हरियाली बन पाखा
आहा कति रमाइलो छ,कति सुन्दर छ
सगरमाथाको देश भनी चिनिने
नेपाल देश मेरो देश।
लेखैमा फुल्ने लालीगुँरास चाँप र त्यो सुनाखारी
बेसीमा फुल्ने लालु पाते अनि टाँकीले
कति रमाइलो छ कति घमाईलाे छ मेरा देश।
हिमाल पहाड तराईको फाँट अङ्गाली
भौगोलिक विविधताले भरिएको
बहुलभाष बहु धर्म र संस्कृति
अनि आफ्नै भेषभुषामा पहिचान दिई बाँचेका
हामी स्वाभिमानी भै नेपाली।
जन्मिए यहीँ भृकुटी ,सीता ,
शान्तिकाे अग्रदुत गौतम बुद्ध र अरनिको पनि
मितेरीकाे हात बढाउदै विश्वा भरि चिनाए
स्वाभिमानी नेपालीको अखण्ड र स्वतन्त्र देश भनि
हाे यही नै नेपाल देश,वीर गाेर्खालीकाे
देश,अनि मेरो देश।