शक्ति

तुलसी पण्डित

होइन तिमी के गर्दै छौ ?
“हजुरआमा आज विश्वकर्मा दिवस । बाबाले चढ्नु भएको मोटर साइकल सफा गर्न लागेकी नि ।”
“बाबा आफैले गर्थ्यो नि ?”
“बाबा कति खेर उठ्नु हुन्छ । बाबा उठ्ने बेला सम्म त मैले सबै काम भ्याइ सक्छु । फेरि लड्डु पनि किनेर ल्याएकी छु । ध्वजा पनि छ ।”
“तिमीले त सबै कुराको तयारी गरेकी रहिछौ । कसले भन्यो तिमीलाई आज विश्वकर्माको पूजा गर्नुु पर्छ भनेर ?”
हिजो गुरुले भन्नु भएको।
“भोलि विश्वकर्मा दिवस हो । विश्वकर्माको पूजा गर्यो भने दुर्घटनाबाट वच्न सकिन्छ।”
“न गरे के हुन्छ रे ?”
” पोहोर देख्नु भएन । बाबा मोटरसाइकलबाट लड्नु भएको । हात भाच्चिएर कति दुख पाउनु भयो । मैले सोचे बाबाले विश्वकर्मा दिवसमा यो मोटर साइकलको पूजा न गरेर यस्तो भएको हो।”
“मेरी नातिनी कति ज्ञानी छ भने म जिल्ल पर्छु । बाबालाई दुर्घटनाबाट बँचाउन विश्वकर्मा भगवानको पूजा गर्न लागेकी छ ।”
“हजुरआमा विश्वकर्मा कस्ता भगवान हुन् ?”
विश्वकर्मा भगवान निर्माणका असिमित शक्ति हुन् । उनले छिनभरमा आश्चर्य लाग्दा नयाँ नयाँ चिजहरुको आविस्कार गर्न सक्छन्।”
“शक्तिको अपहेलना गर्नेको कहिल्यै पनि भलो हुँदैन है हजुरआमा ।”