सुरेशकुमार पाण्डे
दाङ घोराही १८
सबै मानिसहरू बराबर नै हौँ । जातले कुनै पनि ठुलो सानो हुँदैन। हामी विद्यालयमा सँगै जसरी पढाई मिलेर गरेका हुन्छौँ त्यही प्रकारले समाजमा पनि सहकार्य गर्नुपर्छ। ” हेड सर छविलाल विद्यालायमा शुक्रबारको कार्यक्रमको द्वौरानमा सबैलाई सम्बोधन गर्दै भने। प्रचण्ड गर्मी परेकोले विद्यालयले भोलि पल्ट सर्वत पानी बनाएर आम जनमानसमा पिलाउँने निधो गर्यो। विद्यालयको बाहिर । छुट्टीको दिनलाई सदुपयोग गर्ने भन्दै। कार्यक्रम पछि उक्त कार्यका लागि सटिकमा विद्यालयका सबै कर्मचारी स्टाफहरूको मिटिङ्ग बस्यो। बजारबाट समान लिएर आउँने लगायतका कयौँ कार्यमा कतै कसैको बिवाद आएन सर्वसहमतीले टुङ्गियो। ” यो सर्वत पानी पिलाउँने टोलीमा रामे चामे र मिरालाई हटाएर अरू बालकलाई जिम्मा दिनुपर्छ।”- हेड सर छविलालले लिष्टमा कज लगाउँदै प्रस्ताब राखे। ” किन सर? यिनी बालक अत्यान्तै सिपालु छन् नि यो काममा ।”- अर्का एकजना मास्टरले बच्चाहरूको प्रशंसा गर्दै सोधे। ” नालायक त मैलेपनि भनिन् तर यो गाउँ भनेको ब्राहमणहरूको बहुल्य भएको गाउँ हो। यहाँ बिवाद नहोस भन्ने हेतुले भनिएको हो। -हेड सर छविलालले सुझाव दिए। बेनरमा भने ‘समानताका लागि हाम्रो अभियान’ लेखिएको थियो।
