ढाकामोहन बराल
पोखरा ७ मासबार, कस्की
“के गर्दै छौ, बाबु?”भरखरै शिक्षा सेवा आयोगको सिफारिसमा नियुक्ति पाएर पढाउन थालेको विद्यालयमा घुम्दै गरेको मैले सोधेँ।
ऊ खिस्स हाँस्यो मात्र।
“कति कक्षामा पढ्छौ ? ” मैले जान्न खोजेँ ।
” तीन । ” उसले जवाफ दियो ।
” के लेखेर बसेको त ? ” मैले सोधेँ ।
” होमर्क । ” उसले भन्यो ।
“अहिले त खाजा खाने , खेलमैदानमा खेल्ने पो हो त । होमवर्क त घरमा गएर गर्नु पर्छ ।” खाजा खाने विदामा विद्यार्थीलाई पढाईको मानसिक तनावबाट मुक्त गर्नुपर्छ भन्ने मेरो मान्यता थियो ।
” के गर्नु सर घर गए पछि किताब हेर्न पाइँदैन ।” उसको जवाफ थियो ।
” किताब त हेर्नु पर्यो नि । के हेर्छौ त ? ” मैले भने ।
” भाइ।” उसको जवाफ थियो ।
